Utang sa SSS, Nabayaran nang Walang Interest

May utang ka ba na matagal nang hindi nababayaran sa SSS?
Alam mo ba na may programa ang SSS na tinatawag na Loan Restructuring Program?
Maaring bayaran ng mga miyembro ang matagal ng utang nang walang tubo o interest.

Nitong Mayo habang ako ay nasa bakasyon sa Pilipinas,sinamantala ko ang pagkakataon at kaagad na pumunta sa sangay ng SSS sa aming lugar para hukayin ang 10 taon ko nang pagkakautang. Tama nga ang hinala ko! Dumoble na ang dati'y P11,000 balanse na utang ko! At dahil sa programa, ang tanging nabayaran ko ay ang balanse lamang.

Ito ang mga ginawa ko. (Base sa SSS Kidapawan branch )

1. Pumasok sa opisina ng SSS at pumunta sa Information Table. Binigay ko sa staff ang SSS number at sinabi ko na mag-aaply ako ng Restructuring Program sa utang na matagal nang hindi nabayaran. Tsinek niya ang profile ko sa system at binigyan ako ng form. Siya din ang nagturo kung aling transaction table ako pupunta. Kada transaction table ay may priority number.
2. Nagfill up ng form habang naghihintay na tawagin ang priority number ko.
3. Kinausap ako ng SSS staff tungkol sa utang ko. Ang actual amount ng utang at ang penalty nito. At dahil sa programa, wala nang penalty. Binigyan ako ng option kung ilang buwan kong babayaran ang loan.
4. Bumalik sa Information Table para kumuha ng form para magbayad. May priority number ulit na binigay para sa Cashier.
5. Nagbayad sa Cashier. Tapos ang transaksyon.

Ang programang ito ay hanggang sa Oktobre 1, 2018 kaya may marami pang araw na ito ay asikasuhin. Sa mga karagdagang impormasyon, bisitahin lamang ang SSS website sa link sa baba.

How to Apply for SSS Loan Restructuring Program

At dahil wala nang utang, nagdesisyon na rin ako na ipagpatuloy ko ang paghuhulog at ang pagiging miyembro ko. Sayang kasi ang 54 buwan contributions ko kapag hindi ko itutuloy. Paabutin ko ito sa 120 para pwede akong mag-apply ng Retirement Pension pagdating ng araw.

http://join-shortest.com/ref/e1cc88d760?user-type=new

Pusong Pinoy at ang Wikang Mapagbago

Kadalasang ginaganap ang Linggo ng Wika sa buwan ng Agosto kung saan hinihikayat ang lahat na gamitin ang ating sariling pagkakilanlan. Maipahayag ang ating pagka-Pilipino gamit ang ating pambansang kasuotan at lengguwahe.

Nobyembre 3, 2017, Petrokemya Beach Camp, Jubail, KSA - ang kauna-unahan na pilipinong piging na aking dinaluhan sa loob ng sampung taon nang pagtatrabaho dito sa kaharian. Noon ko lamang nalaman na aktibo pala ang komunidad ng mga Pilipino dito. Ang buong programa ay naglalayon na gunitain nang sabay ang Buwan ng Wika na may temang "Filipino: Wikang Mapagbago" at Buwan ng Nutrisyon. Kasabay din ang pagbibigay ng karangalan sa mga kabataan na nag-aaral sa isang "home study learning center" dito sa Jubail.

Bilang isang magulang na lumaki ang anak na malayo sa Pilipinas ay isa ito sa mahalagang araw para masilip ng anak ang tradisyon at kultura na mayroon tayong mga Pilipino. Bagamat limitado lamang ang maaring maipakita, ito ay isang magandang pagkakataon na maipakilala ang ating bansang nakagisnan.

Nakakaluha at nakakaaliw pagmasdan ang mga bata na sinasadula ang sabayang pagbigkas at sumasabay sa indak ng mga sayaw sa salin ng mga pilipinong tugtugin. At higit sa lahat, ang suporta at partisipasyon ng bawat magulang na nagpagilas ng husay sa pagkanta ng mga orihinal na Pilipinong musika.

Mga nagwagi sa tradisyunal na Kasuotan (Indibidwal)

Unang Karangalan - sa kategorya ng Grupong Presentasyon at Kasuotan

Unang Karangalan - sa kategoryang Lutong Bahay - Espesyal. Mga putahe na kamote ang pinakamahalagang sangkap.

Sa pangkalahatan, ang lahat ay sama-samang pinagsaluhan ang mga pagkaing pilipino na nanatiling buhay sa bawat mesa ng bawat pamilyang pansamantalang naninirahan dito sa Saudi Arabia. Lumitaw ang mga kakaning puto, biko, at kutsinta. Ang putahe ng Timog Luzon na Bikol Express at laing at ang paboritong ulam na pansit ang nangunguna sa mga pagkain na nawala na parang bula sa hapag-kainan.

Ang mga larawan ay mga kuha ni Michael Angelo Correos.

Pag-iipon para sa Dependent Levy Fee

Ang pagdadala ng pamilya sa Saudi Arabia ay isa sa mga benipisyo na tinatamasa ng halos karamihan ng mga expat na manggagawa katulad naming mga OFW. Kahit sobrang pagod sa trabaho, masaya ang pakiramdam ng may pamilyang naghihintay sa bawat pag-uwi. Wala na ang dating sobrang pag-iisip at pag-aalala. At higit sa lahat, nasubaybayan ang paglaki at paghubog ng ugali ng anak.

Noong unang araw ng buwan ng Hulyo, sinimulan na ng gobyerno ng Saudi Arabia ang paniningil ng "expat dependent levy fee". Ito ay ang pagbabayad ng SAR1,200 kada taon sa bawat miyembro ng pamilya na kasama ng isang expat na nagtatrabaho sa kaharian. Magiging doble ang halaga na ito sa susunod na taon hanggang sa aabutin ng SAR4,800 sa taong 2020. Ang isang expat ay hindi makakakuha ng exit-reentry visa o makakapagrenew ng iqama kapag hindi nabayaran ang buong halaga.

Ang bayaring ito ang naging kuwentuhan ng lahat ng may pamilyang expat na nakakausap ko. Marami sa kanila, naisipan nang pauwiin ang pamilya sa kani-kanilang mga bansa lalo na iyong may maraming anak at magulang na kasama. Napakalaki ng halaga lalo na at isang bagsakan lang ang bayad.

Sa kasalukuyan, kaya ko pang bayaran ang levy fees hanggang sa susunod na taon o hanggang sa hindi na mairenew ng kumpanya ang aking kontrata. Sabay-sabay na kami sa pag-uwi kapag darating ang panahon na iyon. At dahil sa nakapagrenew na ako ng iqama bago naimplementa ang bagong bayarin, may pagkakataon pa ako na mag-ipon ng 200 riyals kada sahod. Dodublehin ko ang halaga na ito sa susunod na taon. Sa ganitong paraan ay makakabayad ako ng levy fees na may laman pa rin ang bulsa at hindi apektado ang ibang pangangailangan.

Pag-iipon gamit ang pinaglumaang Qatar Airways travel wallet.

Malalaman ang halagang babayaran na dependent levy fee sa mismong bangko. Halimbawa, ang bangko ay SABB at kasama ko sa kaharian ang aking asawa at isang anak.

➩Open Online Banking (SABB)
➩Click SADAD
➩Click Government Payments
➩MOI Service: Alien control
➩Transaction Type: Payment
➩Service Type: Associate Fees for all Registered Associates on the Head of Household Iqama
➩Iqama ID: ********** (Iqama number ng OFW)
➩Fees Duration End Date: Date , Month, and Year (Hijri date - maiging icheck ang online MOI Absher Service para sa actual validity ng iqama))
➩Request

Passport Renewal sa Bahrain

Buwan ng Mayo sa taong ito, sinadya kong puntahan ang Philippine Embassy sa Bahrain. Kailangan kong irenew ang pasaporte ng pamilya ko na kasama ko dito sa Saudi Arabia. Mahigit tatlong buwan na akong nag-aabang na makakuha ng appointment slot sa Embassy on Wheels pero talagang hindi pinalad. Ang bakanteng slot naman sa Philippine Embassy sa Riyadh ay halos dalawang buwan pa. Kailangan ko kasing iayon ang petsa nang pagpunta sa Riyadh sa araw na wala akong pasok.

Hindi ko nirerekomenda ang passport renewal sa Bahrain para sa lahat ng mga OFW na nasa Saudi Arabia. Hindi kasi lahat sa atin ay pinapayagan o maaring lumabas ng Saudi Arabia at pumunta ng Bahrain. Pero para sa ibang OFW lalo na sa mga nakatira sa Eastern Region (Khobar, Dammam, Jubail, atbp.), ay isa itong magandang opsyon.

Sa pagrenew ng pasaporte sa Bahrain, maari lamang bisitahin ang website ng embahada na www.manamape.dfa.gov.ph para sa mga kailangang dokumento. Hindi na kailangan ng appointment at napakabilis ng mga proseso. Kaunti lang kasi ang mga OFW sa Bahrain. Sa katunayan, wala pang isang buwan ay nakuha ko na ang bagong pasaporte.

Sa kabuuan, ito lahat ang mga hinanda kong dokumento para sa renewal ng passport sa Philippine Embassy sa Bahrain.

1. Duly accomplished ePassport Application Form - makukuha mula sa website ng Philippine Embassy in Bahrain.
2. Original and Copy of Applicant's Passport
3. Copy of Parent's Passports - kapag ang aplikante ay edad 17 taon pababa
4. BD25 Renewal Fee - hindi sila tumatanggap ng Saudi Riyals
5. Saudi Exit Reentry Visa

Bahrain - A Free Visa Country for Filipinos (special category)

Bahrain: A Free Visa country for Filipinos (special category)

Visitors who have been resident in the GCC for a minimum of six months, and who posses a return visa for the country of GCC residency can obtain a free tourist visa in Bahrain. 
Source: http://www.alloexpat.com

Ang Bahrain ay miyembro ng GCC o Gulf Cooperation Council na kinumpleto ng bansang Kuwait, Qatar, United Arab Emirates, Oman, at Saudi Arabia. Malayang nakakapunta ang mga expat dito lalo na iyong nagtatrabaho sa Saudi dahil halos isang oras lang ang biyahe nito mula sa Al-Khobar, Eastern Saudi.

Paglampas pa lang ng immigration sa King Fahad Causeway ay nag-iiba na kaagad ang "aura" ng lugar. Iyong biglang gumaan ang pakiramdam na parang nakawala sa isang hawla. Maihahantulad ang Saudi sa isang kulungan para sa mga taong sanay sa kalayaan. Sa Bahrain, legal ang sinehan, club, disco, at ang mga babae ay may kalayaan sa trabaho at maging sa pagmamaneho.

Bahrain Immigration in King Fahad Causeway

Para makapasok ng libre sa Bahrain Immigration ang isang expat na galing ng Saudi, kakailanganin ang mga sumusunod:
- valid passport
- dapat technician pataas (white collar jobs) ang trabaho na nakasulat sa iqama o sa working visa
- may Saudi exit-reentry visa 

PINOY SPIRIT

Ang taxi na unang nasakyan ay minamaneho ng isang lokal na Bahraini. Ang ipinagkaiba niya lang ay dahil puro OPM ang ang nakasalang na musika sa audio ng sasakyan. Sinasabayan din niya ng bigkas at memoryado ang mga kanta tulad ng "Kanlungan".

Unang pinuntahan ang Cathedral sa Bahrain. Ilang buwan din kasing tigang sa ganitong gawain. Hindi naman nakalimutan ang magdasal pero iba pa rin talaga kapag sa simbahan ka mismo nakaapak para manalangin.

At higit sa lahat, dinayo ang mga Filipino restaurants at umorder ng kahit anong menu na may karneng baboy katulad ng crispy pata. Natatakam kasi sa karneng baboy na ipinagbabawal sa Saudi. Ngunit hindi ito kasing sarap katulad sa Pilipinas dahil  malamang frozen at hindi na sariwa. May mga alak din dito na dinadayo pa ng mga gustong maglasing.

Halos sa bawat establisyamento na napasukan ay may mga pinoy. Hindi nawawala ang lahing kayumanggi sa mga hotel, restaurants, at mga tindahan.

Great view of Manama City from Bahrain Holiday Villa Hotel

Heto ang mga lugar na madalas dinadayo ng mga Pinoy sa Bahrain:

Bahrain National Museum - short cut para sa mga nais matutunan ang kultura ng bansa.

Novotel Al Dana Hotel and Resort - sa mahilig magrelax at magswimming.

Arirang Edo Restaurant - kung hilig ang Japanese or Korean cuisines. Halos lahat ng mga staffs ay mga pinoy.

The Dolphin Resort - para makapanuod ng dolphin at sea lion tricks

Al Areen Wildlife Park - kapag nais makita ang naipreserbang lugar ng mga hayop at halaman na kadalasang makikita sa Middle East, at Africa.

Lost Paradise of Dilmun - isang outdoor water park sa gitna ng disyerto.

Ang OFW na walang OEC

Ito ang aking karanasan nang bumalik ako sa Saudi Arabia galing bakasyon sa taong ito. Marami nang nagbago sa NAIA. Hindi lamang ang Terminal 1 ang abala sa mga biyaheng Middle East. Punong-puno na rin ang Terminal 2 ng mga OFW na may destinasyong disyerto. At ang pinakamagandang "upgrade" na ginawa sa mga paliparan ay ang malakas at libreng WIFI signal.
  
Online OEC at Exemption

Screenshot of BM exemption

Napakalaking tulong na naging online ang pagkuha ng Overseas Employment Certificate (OEC). Isang araw din kasi ang nasasayang sa bakasyon naming OFW para lamang sa pag-aasikaso nito  sa Philippine Overseas Employment Administration (POEA).

Sa pagkuha ng online OEC, siguraduhin lamang na nakarehistro sa Balik Manggagawa Processing Online System na www.bmonline.ph at kasalukuyang may record sa POEA data base. At dahil may dati nang records at ako ay babalik sa parehong kumpanya, inaplayan ko ang "BM exemption". Kinuha ko ang BM exemption number at isinulat sa e-ticket ko. Samantalang sa cellphone ko ay nakatago ang screenshot na larawan katulad nang nasa itaas kung sakaling hindi papaniwalaan ang numero.

Dumiretso na kaagad ako sa airline checked-in counter. Itinuro ko na lamang sa staff ang exemption number na nakasulat sa e-ticket at ibinigay na rin ang flight boarding pass nang walang hininging dokumento maliban sa pasaporte.

Reduced Travel Tax for OFW's Dependent

Kasama ko palagi ang aking pamilya kaya dumaan muna kami sa Tourism Infrastructure and Enterprise Zone Authoriy (TIEZA) para magbayad ng travel tax. Kasama na kasi sa ticket ang terminal tax na noon ay kasabay na binabayaran sa counter na ito. Kailangan lamang maipresenta ang mga dokumento na nagpapatunay na sila nga ay mga dependent ko.

1. Ticket/boarding pass
2. Original Marriage Certificate (asawa)
3. Original Birth Certificate (anak)
4. OEC

At dahil sa wala akong maipakitang OEC, kailangan kong maipresenta ang dokumento na nagpapakita ng aking kumpanya at ng bansang pinagtatrabahuan katulad ng mga sumusunod;

1. Residence card
2. Employment Certificate
3. Current Payslip
4. Employee ID card
5. Employment Contract
Ipinakita ko ang aking company ID at nagbayad ng travel tax na P300 kada dependent (economy class).

Para sa ibang OFW, lalong lalo na ang nasa Saudi na may pamilya, may ihahanda tayong mga dokumento bago magbakasyon. Siguraduhin lamang na dala natin pauwi sa Pinas ang alin man sa mga dokumentong nabanggit. Ang residence card at employee ID ay kadalasang naiiwan sa mga employer. Maliban sa aming kumpanya na ibinigay na sa amin ang buong pangangalaga ng aming mga dokumento (passport, iqama, ID). Dati kasi kapag nasa poder namin ang iqama at ID card, kukuhanin ng employer ang pasaporte. At sa tuwing magbakasyon, ibabalik sa kanila ang iqama at ID card kapalit ng pasaporte.

Immigration

Maliban sa pasaporte, embarkation card, at boarding pass, ipinakita ko ang isinulat kong OEC exemption number sa immigration officer. Pagkatapos maverify ang kumpanyang babalikan sa system, ay may tatak na ulit na "departure" ang pasaporte ko.

Terminal Fee Refund

Ilang beses na akong umuwi simula nang naimplementa ang batas na ito pero ngayon lamang akong sumubok na kumuha ng refund. Mahaba ang pila pero mabilis ang proseso dahil marami silang counter. Bukod doon, may opisyal pa silang umaalalay sa pila para mabilis na maipakita ng OFW ang mga kakailanganing dokumento.

Ang P550 refund ay nasa pre-departure area. Ipinakita ko lamang ang passport, ang kopya ng boarding pass na kinuha ko sa terminal refund counter, at exit re-entry visa (para sa mga OFW na walang OEC).

UAE: A Free Visa Country for Filipinos (special category)

Ang isang pinoy na kasalukuyang nakatira sa Saudi Arabia at may mataas na propesyon sa kanyang iqama katulad ng engineer, manager, accountant, at doktor ay malayang makakapasok sa United Arab Emirates ng libre. Kailangan lamang dalhin at ipakita ang orihinal na iqama sa immigration counter. 

Ang United Arab Emirates ay miyembro ng GCC o Gulf Cooperation Council na kinumpleto ng bansang Bahrain, Kuwait, Qatar, Oman, at Saudi Arabia.

 "Residents who are not GCC nationals, but, have high professional status, such as business men, company managers, accountants, auditors, engineers, doctors, pharmacists, or employees (and their families) working in the public sector, drivers and personal staff under their sponsorship, are all eligible for non-renewable 30-day visa on arrival, at approved points of entry. However, a valid passport with valid GCC residence stamp, along with proof of employment in the country of residence, may require to be produced for this category." -www.guide2dubai.com

Sa mga Pinoy na may employment status na hindi napabilang sa mga nabanggit ay may maraming paraan para makakuha ng visit visa sa UAE. Dito sa Saudi Arabia, tanging kopya ng pasaporte at iqama lamang ang hinihingi ng mga travel agent para masimulan ang proseso ng tourist visa na makukuha lamang sa loob ng ilang araw.

Isang oras na biyahe sa eroplano mula sa Saudi ay masisilayan ang progresibong siyudad ng Dubai at Abu Dhabi.

Mga OFW sa Dubai

Maraming Pinoy sa UAE lalong lalo na sa Dubai. Halos karamihan sa kanila ay nagtatrabaho sa mga hotel at restaurant. Kung tutuusin, mas maayos ang kalagayan nila kaysa sa amin na nasa Saudi. Mas malaya sila. Mas marami silang lugar na napapasyalan pagkatapos ng trabaho. May mas maraming kainan at pagkaing Pinoy. At higit sa lahat, may night life.

Ganunpaman, ayon sa mga naging kakuwentuhan ko, inaamin nila na mas mahirap mag-ipon sa UAE. Lahat kasi doon ay mahal katulad ng upa sa bahay. Ang standard of living ay mas mataas kung ihahantulad ito sa Saudi Arabia.

Turismo
 
Marami ang mga makabagong imprastraktura ang makikita sa UAE. Nandoon ang pinakamataas na gusali at ang  pinakamabilis na roller coaster sa buong mundo. Meron ding naglalakihang mga shopping mall na may sariling attractions. May snow village, may aquarium, at marami pang iba. Hindi ka rin makakaalis sa Dubai kapag hindi naranasan ang kanilang water parks, safari ride, at night dhow cruise.

Ito ang ilan sa mga magagandang lugar na makikita at may tatak UAE.

Dubai Miracle Garden

Burj Khalifa Visitors Deck

Burj Al Arab

Atlantis , The Palm

Abu Dhabi's Grand Mosque

Ferrari World Park

Embassy on Wheels 2016 (Latest Schedule)

Ang bagong petsa at lugar na pagdadausan ng EOW sa Saudi Arabia sa mga natitirang buwan ng taong 2016.
(Source: www.riyadhpe.dfa.gov.ph)

Mangyari po lamang na bisitahin ang website para kumuha ng appointment at sa iba pang karagdagang mga impormasyon.

Paalala: Ang blog na ito ay hindi konektado sa mga transaksyon na ginagawa ng Philippine Embassy o ng mga kinatawan ng embahada dito sa Saudi Arabia.  Walang kinalaman ang blog na ito sa anumang pagbabago sa petsa at lugar na pagdadausan ng EOW.  Mangyari lamang na kumpirmahin sa lihitimong website ng embahada, www.riyadhpe.dfa.gov.ph, ang anumang transaksyong gagawin.

*Special 5-day EOW for passport renewal and releasing services only

JULY
DATE	CITY	VENUE	SERVICES TO BE RENDERED
July 1, Friday 8:30 am to 5:30 pm July 2, Saturday: 8:30 am to 12:30 pm	Buraydah	Golden Tulip Hotel, Buraydah	Passport Services (new, renewal, releasing, extension) Notarials, Authentication and Certifications Police clearance Endorsement Civil Registry
July 8, Friday 8:30 am to 5:30 pm July 9, Saturday: 8:30 am to 12:30 pm	Al Jouf	TBA	Passport Services (new, renewal, releasing, extension) Notarials, Authentication and Certifications Police clearance Endorsement Civil Registry
July 15, Friday 8:30 am to 5:30 pm July 16, Saturday: 8:30 am to 12:30 pm	Al Khobar	Golden Tulip Hotel, Al Khobar	Passport Services (new, renewal, releasing, extension) Notarials, Authentication and Certifications Police clearance Endorsement Civil Registry
Jul 22-23 (Fri/Sat) 8:30 am to 5:30 pm	Hail	Golden Tulip Hotel, Hail	Passport Services (new, renewal, releasing, extension) Notarials, Authentication and Certifications Police clearance Endorsement Civil Registry
Jul 30 (Sat)	Riyadh Industrial City	Dawah Center, 2nd Industrial City	Passport Renewal Passport Releasing
AUGUST
DATE	CITY	VENUE	SERVICES TO BE RENDERED
August 14, Sunday up to August 18, Thursday 2:00 pm to 10:00 pm	*Al Khobar	Golden Tulip Hotel, Al Khobar	Passport Renewal Passport Releasing
August 19, Friday 8:30 am to 5:30 pm August 20, Saturday: 8:30 am to 12:30 pm	Al Khobar	Golden Tulip Hotel, Al Khobar	Passport Services (new, renewal, releasing, extension) Notarials, Authentication and Certifications Police clearance Endorsement Civil Registry
August 26, Friday 8:30 am to 5:30 pm August 27, Saturday: 8:30 am to 12:30 pm	Jubail	TBA	Passport Services (new, renewal, releasing, extension) Notarials, Authentication and Certifications Police clearance Endorsement Civil Registry
SEPTEMBER
September 2, Friday 8:30 am to 5:30 pm September 3, Saturday: 8:30 am to 12:30 pm	Buraydah	Golden Tulip Hotel, Buraydah	Passport Services (new, renewal, releasing, extension) Notarials, Authentication and Certifications Police clearance Endorsement Civil Registry
September 10, Saturday: 8:30 am to 12:30 pm	Riyadh 2nd Industrial City	Dawah Center, 2nd Industrial City	Passport Renewal Passport Releasing
Sept 11-15 (Sun-Thu) 2:00 pm to 10:00 pm	*Al Khobar	Golden Tulip Hotel, Al Khobar	Passport Renewal Passport Releasing
September 16, Friday 8:30 am to 5:30 pm September 17, Saturday: 8:30 am to 12:30 pm	Al Khobar	Golden Tulip Hotel, Al Khobar	Passport Services (new, renewal, releasing, extension) Notarials, Authentication and Certifications Police clearance Endorsement Civil Registry
September 23, Friday 8:30 am to 5:30 pm September 24, Saturday: 8:30 am to 12:30 pm	Al Khafji	TBA	Passport Services (new, renewal, releasing, extension) Notarials, Authentication and Certifications Police clearance Endorsement Civil Registry
OCTOBER
Oct 09-13 (Sun-Thu) 2:00 pm to 10:00 pm	* Al Khobar	Golden Tulip Hotel, Al Khobar	Passport Application Passport Releasing
October 14, Friday 8:30 am to 5:30 pm October 15, Saturday: 8:30 am to 12:30 pm	Al Khobar	Golden Tulip Hotel, Al Khobar	Passport Services (new, renewal, releasing, extension) Notarials, Authentication and Certifications Police clearance Endorsement Civil Registry
October 21, Friday 8:30 am to 5:30 pm October 22, Saturday: 8:30 am to 12:30 pm	Hail	Golden Tulip, Hail	Passport Services (new, renewal, releasing, extension) Notarials, Authentication and Certifications Police clearance Endorsement Civil Registry
NOVEMBER
November 11, Friday 8:30 am to 5:30 pm November 12, Saturday: 8:30 am to 12:30 pm	Buraydah	Golden Tulip Hotel, Buraydah	Passport Services (new, renewal, releasing, extension) Notarials, Authentication and Certifications Police clearance Endorsement Civil Registry
Nov 13-17 (Sun-Thu) 2:00 pm to 10:00 pm	*Al Khobar	Golden Tulip Hotel, Al Khobar	Passport Renewal Passport Releasing
November 18, Friday 8:30 am to 5:30 pm November 19, Saturday: 8:30 am to 12:30 pm	Al Khobar	Golden Tulip Hotel, Al Khobar	Passport Services (new, renewal, releasing, extension) Notarials, Authentication and Certifications Police clearance Endorsement Civil Registry
November 26, Saturday: 8:30 am to 12:30 pm	Riyadh 2nd Industrial City	Dawah Center, 2nd Industrial City	Passport Renewal Passport Releasing
DECEMBER
December 2, Friday 8:30 am to 5:30 pm December 3, Saturday: 8:30 am to 12:30 pm	Jubail	TBA	Passport Services (new, renewal, releasing, extension) Notarials, Authentication and Certifications Police clearance Endorsement Civil Registry
Dec 11-15 (Sun-Thu) 2:00 pm to 10:00 pm	* Al Khobar	Golden Tulip Hotel, Al Khobar	Passport Renewal Passport Releasing
December 16, Friday 8:30 am to 5:30 pm December 17, Saturday: 8:30 am to 12:30 pm	Al Khobar	Golden Tulip Hotel, Al Khobar	Passport Services (new, renewal, releasing, extension) Notarials, Authentication and Certifications Police clearance Endorsement Civil Registry

Work Layoff - Paghahanda ng isang OFW

Pumunta ako sa HR building ng aming kumpanya kanina. Ang dami na palang pinagbago simula nang huli akong nagpunta. Hinanap ko ang mesa ng sekretarya para ibigay ang dokumento na kailangang pirmahan ng manager pero wala akong nadatnan. Ang dating kwarto na dati ay dalawang sekretarya ang magkatabing nakaupo doon ay pinalitan na lamang ng isang printer. Ang mga working cubicle ay marami rin ang bakante. Kung dati, may kaingayan ang malaking kwarto na iyon, ngunit sa ngayon ay tahimik. Lahat ng mga naiwang staff ay abala sa kani-kanilang ginagawa.

Isa lamang ang aming kumpanya sa maraming iba pa ang apektado nang pagbabago sa  pandaigdigang merkado ng langis. May mahigit isang daan na rin ang tinanggal sa amin bago natapos ang taon at siguradong may kasunod pa ito. Hindi lamang mga OFW ang apektado kundi kasama na rin ang ibang mga lahi. Marami na ring mga Pinoy ang hindi na nirenew ang kontrata at iyong iba na mas matagal pa kaysa sa akin ay napili rin para pauwiin.

Petrochemical plant - larawan mula sa google

Minsan naibahagi ko sa isang kasamahan na parang bumigat ngayon ang trabaho sa kumpanya. Ang sabi niya, "Kaunti lang kasi tayong Pinoy na naiwan. Hindi katulad dati na marami tayo. May oras tayong magkwentuhan kahit nasa trabaho. Kahit mabigat ang trabaho ay nakakahawi ng pagod".

Sa kasalukuyang estado ng mga kumpanya na nakadepende sa langis, inaasahan namin na sa mga susunod na bugso nang tanggalan sa trabaho ay maging handa kami. Subalit, handa na nga ba talaga kami? Sapat na ba ang ipon para manatili na lang sa Pinas?

Ito ang mga pinaghahandaan ko para kung sakaling matapos ang kontrata at pinauwi ay masaya akong haharap sa pamilya na wala nang iisipin pa.

1. Edukasyon
 Nakapagpaaral at nakapagpatapos ng isang kapamilya. Matagal at magastos ngunit nasusulit naman ang pinaggastusan kapag makita silang nakapagtapos at may maayos na trabaho. Natulungan na nga silang tumindig sa sarili nilang mga paa, ay  mababawasan pa ang kapamilya na nakadepende pagdating sa gastusan.

2. Family Status
Sa social media, may isang OFW na nagrereklamo hinggil sa kamag-anak na humihingi ng panggastos sa kasal at binyag. Sinupurtahan ito ng alipusta ng karamihan. Ngunit para sa akin, dapat ay tulungan niya ito ng bukal sa loob. Ang problema ng isang kapamilya ay problema ko rin lalong lalo na sa kasal. Ang tulungan silang mailagay sa tamang estado ng batas ang kanilang pagsasama ay kailangan. Kapag sila ay legal, may mga karagdagang benipisyo silang makukuha lalo na kapag ang isa sa kanila ay may trabaho.

3. Trabaho at Negosyo
Natulungan silang makapaghanap ng trabaho. Kahit man lang sa pangtustos ng kanilang mga kakailanganing dokumento. Mag-isip ng isang pagkakakitaan na puwede at babagay sa kanila. Kapag mayroon na silang sariling kinikita, bawas na yan sa iisipin ko.

4. Ipon at  Karagdagang Kita
Karamihan sa aming mga OFW ay "zero" pagdating dito. Marami kasing pinagkakagastusan kaya nananatili ang mababang balanse ng pera sa bangko. Ganunpaman, kahit hindi ako financial expert, may mga mga sarili akong diskarte para makapag-ipon at nagkaroon ng karagdagang kita habang ako ay nandito pa sa Saudi at nagtatrabaho."Dahil kahit gaano pa kalaki ang sahod ay ganoon din tayo kung gumastos." Kaya aasahan na mauubos ang sahod na tax free kapag walang kontrol sa sariling gastos at problemang pinansyal ng pamilya.

Maraming paraan kung paano magkaroon ng extra income. Ang kailangan lang ay diskarte at taong mapagkatiwalaan at maaasahan sa tamang paghawak ng pera.
 
5. Bahay
Maliit man ito at simple. Ang buo at matatag  na miyembro ng pamilya ay hindi nakikita sa laki, gara at eleganteng materyales ng isang bahay kaya ito ay nasa huling talaan. Aanhin ko ang malaki at magarang bahay kung ang buong ipon ko sa pagtatrabaho sa abroad ay nagastos ko dito. Mas gugustuhin ko pa ang simpleng bahay kubo kung lahat naman ng pangangailangan ng pamilya ay natutustusan.

Sa mga OFW na walang sariling bahay, malamang ito ang magiging una sa mga prayoridad na tinustusan. Ang magkaroon ng sariling lupa at bahay ay ang unang natutupad sa mga dati'y pangarap lamang.

Bilang isang OFW, nagsimula ako sa wala. Pangarap at dedikasyon na tulungan ang pamilya ang tanging meron ako. Alam ko naman na walang permanente sa pagiging isang OFW. At ngayong nagbabadya ang isang sitwasyon na hindi inaasahan, wala naman sigurong masama kung ako ay maghanda.